Sen. Trillanes, dapat nga presuhon kon gin-declare nga ‘void ab initio’ ang amnesty nga ginhatag sa iya — Atty. Antiquiera

Iloilo City — Dapat nga presuhon si Sen. Antonio Trillanes IV kon gin-declare nga ‘void ab initio’ ang ginhatag sa iya nga amnesty ni anay President Benigno Aquino III.

Ini matapos nga nagpaguwa sang Proclamation Number 572 ang Malacañang nga pirmado ni Presidente Rodrigo Duterte nga naga-deklarar nga ‘void ab initio’ ang amnesty ni Trillanes.

Paathag ni Atty. Eldrid Antiquiera, kon gin-declare nga ‘void ab initio’ ang amnesty, wala na ini sang pulos kag kasubong nga wala sang may gin-grant nga amnestiya sa senador.

Suno pa kay Antiquiera, dapat nga atubangon ni Trillanes ang kaso nga ginpasaka batuk sa iya antes ginhatagan sang amnesty. Dapat man nga presuhan kag serbisyuhan ni Trillanes ang nabilin niya nga salabton sa layi.

Mahimo nga dakpon si Trillanes kon may mag-guwa nga warrant of arrest batuk sa iya. (JoMaque)