Brgy. Kagawad sa Cabatuan, patay sa buy bust operation sang ginpahayag nagbatu sa mga pulis; Subject, High Value Target suno sa Cabatuan police

Cabatuan, Iloilo — Patay ang high value target drug personality sang ginpahayag nagbatu sa drug buy bust operation sa Brgy. Jelicoun- Montinola, Cabatuan kaina 12:20 sang hapon.

Suno kay Senior Inspector Sullen Domingo, hepe sang Cabatuan Police Station, nakapalupok sang makaduha ka beses ang subject nga si Barangay Kagawad Jonathan Baron, 56-anyos sang namutikan niya nga pulis ang iya ka-transaksiyon.

Ginconfirmar ni Domingo nga yara sa watchlist sang Cabatuan kag Calinog Police Station si Baron nga drug surrenderer man sang banwa.

Gin-aku ni Domingo nga nabudlayan sila nga i-operate ang subject.

May na-recover nga walo ka sachets sang suspected shabu, pusil, bala kag granada ang mga pulis.

Ginconduct sang gintingub nga pwersa sang Regional Drug Enforcement Unit kag Cabatuan MPS ang operasyon.