Pila ka mga pulitiko sa Iloilo, masumpa sa Nacionalista Party subong nga gab-i

Iloilo City–Magasumpa sa Nacionalista Party ang mga pulitiko sa Iloilo subong nga gab-i. Suno kay Carles Mayor Siegfred Betita, 10 sa 11 ka mayors sa 5^th District ang nagpadulong sa Iloilo Convention Center para sa oath-taking.

Nagtambung naman ang tanan nga mayors sa walo ka banwa sa second district kag walo ka banwa sa 4^th district. May mga nagtambung man halin sa first kag third district.

Gin-athag ni Alimodian Mayor Calay Alonsabe nga bisan masumpa siya sa Nacionalista Party, suportado niya gihapon si Governor Arthur Defensor.

Magapanguna sa pagpasumpa si Senador Cynthia Villar. (AGB)