Anay Mayor Mansueto Malabor, wala pa nakadesisyon kon sin-o ang suportahan sa 2019 elections

Iloilo City–Wala pa nakadesisyon si anay Mayor Mansueto “Mansing” Malabor kun sin-o sa tunga nanday Mayor Joe Espinosa kag Congressman Jerry Treñas ang iya suportahan sa 2019 elections.

Suno kay Malabor, posible nga may iban pa nga grupo nga mag-intra kag naglahug pa ini nga posible mapadalagan siya sa pagka-mayor.

Ginrason sini nga luyag niya mabalik ang maayo nga imahen sang siyudad matapos ini gintawag ni Presidente Rodrigo Duterte nga “most shabulized city.”

Sa mga pulitiko nga iya suportahan sa eleksyon, ginpahayag ni Malabor nga magadepende ini sa ila mga plataporma. (AGB)