Pulis, patay matapos nabungguan sang elf truck kag nasunog ang iya motorsiklo sa Lambunao kaina sang aga

Lambunao, Iloilo–Patay ang pulis matapos nakabunggo sa Isuzu elf truck kag nasunog ang ginasakyan niya nga motorsiklo sa Barangay Magbato kaina sang aga, Setyembre 25.

Ginkilala ni PO1 Rizan Larroza, imbestigador sang Lambunao MPS, ang napatay kay PO1 Michael Manero sang Poblacion Ilaya, Lambunao kag assign sa Police Regional Office 6. Suno kay Larroza, madasig ang pagpadalagan sang truck driver nga si Ruel Lopez sang Baluyan, Cabatuan bisan pa kurbada tubtub nga nakabunggo sa motorsiklo ni Manero.

Ngtabog suno sa iya ang takop sang tangke sang motorsiklo bangud sang mabaskog nga impact sang pagbunggu-anay gani nagkarab-karab ang salakyan kag nasunog ang pulis.

Preso sa Lambunao Police Station ang truck driver. (AGB)