Tricycle driver nga tokhang surrenderer sa Arevalo, gintiro-patay sang riding-in-tandem

Arevalo, Iloilo City — Patay ang tricycle driver nga gintiro sang duha ka riding-in-tandem sa Barangay Sooc kagab-i, Setyembre 28.

Ginkilala ang biktima kay Benjie Abacajin, 41 anyos sang Sto. Niño Norte, Arevalo nga tokhang surrenderer suno sa Arevalo police.

Si Abacajin, may tatlo ka pilas sa dughan kag duha sa kamot kag gindala pa sa ospital apang gindeklarar nga dead-on-arrival.

Gina-imbestigaran sang Arevalo police kon ano ang motibo sa pagpatay sa biktima. Wala pa nakilala ang mga suspetsado. (JoMaque)