Ombudsman, may nakita nga nagakaigu nga basehan sa gin-file nga reklamo sang MIWD batuk kay Mayor Joe Espinosa

Iloilo City — May nakita nga nagakaigo nga basehan ang Office of the Ombudsman-Visayas sa reklamo nga gin-file sang Metro Iloilo Water District ukon MIWD batuk kay Mayor Joe Espinosa.

Suno kay MIWD legal counsel Roy Villa, gin-file nila ang kaso sang Hulyo subong nga tuig matapos nag-appoint si Espinosa sang Board of Directors sa MIWD bisan wala pa nag-expire ang termino sang ginpang-appoint ni Governor Arthur Defensor.

Ginpahayag ni Villa nga nabaton nila ang notisya sang Ombudsman sang Oktubre 22 nga nagapahibalo nga nakitaan sang nagakaigo nga basehan ang complaint sang MIWD agud mag-proceed sa preliminary investigation batuk kay Espinosa.

Bilang due process, ginhatagan ang alkalde sang 10 ka adlaw agud mag-file sang iya counter-affidavit. Una na ginpahayag ni Espinosa nga ginabilin niya sa City Legal Office ang pagsabat sa Ombudsman. (JoMaque)