Pag-override sang line item veto ni Mayor Joe Espinosa sa budget ordinance, malabo—VM Jeffrey Ganzon

ILOILO CITY — Wala nagapati si Vice Mayor Jeffrey Ganzon nga ma-override sang konseho ang pag-veto ni Mayor Joe Espinosa sa pila ka items sang Budget Ordinance para sa 2019.

Suno kay Ganzon, kulang sa numero ang mga konsehal nga identified kay Congressman Jerry Treñas para i-override ang line item veto.

Anum lang ka konsehal ang identified sa kongresista kag kinahanglan pa sang apat ka boto para ma override ang veto.

Ginpahayag ni Ganzon nga executive prerogative man sang alkalde ang pag-veto sa ordinansa apang nagakabalaka lang sila nga matandog sang alkalde ang pondo kag gamiton sa eleksyon. (JoMaque)