Empleyado sang planta sang softdrinks sa Pavia, gintiro patay

Iloilo City  – Gindeklarar nga napatay si Jetro Ferrer sang Guimaras pero naga-board sa Ungka II, PAvia matapos gintiro kagab-i, Enero 18.

Gin-confirmar ni PCINSP Fernand Limbungan, hepe sang Pavia MPS, nga napatay si Ferrer bangud sang patal nga pilas sa guya.

Manug-duty na kuntani si Ferrer sang gintiro.

Una na ginpabutyag ni Ungka II Tanod Commander Cirilo Amaquin nga may nakakita nga nagasakay sa motorsiklo ang naga-isahanon nga suspek nga madasig nagpalagyo pagkatapos sang krimen.

Wala suno sa iya sang nakakita kon ano ang kolor sang motorsiklo bangud madulom sa area nga ginluntaran.

Gina-imbestigaran na sang police kon ano ang motibo. Sang Disyembre, 2018, gintiro man ang utod ni Jetro nga si Jonel nga nagatrabaho man sa planta sang softdrinks company pero nakaluwas. (JoMaque)