1 patay, 1 pilason sa shootout sa tunga sang pulis kag 4 suspected NPA members

Negros Oriental— Isa patay kag isa pilason sa miembro sang ginapatihan New People’s Army ukon NPA sa shootout sa tunga nila sang Philippine National Police ukon PNP non-commissioned officer sa Manjuyod, Negros Oriental kahapon, Marso 7.

Sa initial report sang Negros Oriental Provincial Police Office, samtang nagabakal sa Tabuan Flea Market Area sa Barangay Bantalinao, Manjuyod si Senior Master Sergeant Humprey Wah Teves hinali lang siya gintayaan sang pusil sang apat ka armado nga kalalakihan kag gintuyo nga kuhaon ang iya pusil.

Apang sa baylo nga ihatag nakapalupok si Teves nga wala naka-uniporme sang amo nga tiun sa mga ginapatihan miembro sang Special Partisan Unit (SPARU) sang NPA.

Wala napilasan si Teves samtang gindala ang pilason sa ospital. Narecover sa area ang isa ka magazine sang caliber .45, cellphone kag pila ka personal nga pagkabutang. Nakapalagyo naman ang duha ka iban pa. (JoMaque)