MORE, nag-file sang petition para sa expropriations sang mga assets sang PECO – MORE president Rowell Castro

Iloilo City – Ginkumpirmar ni Mr. Rowell Castro, presidente sang MORE Electric and Power Corporation nga nag-file sila sang petition para sa expropriation sang mga assets sang Panay Electric Company.

Suno kay Castro, gina-exercise lang nila ang ila kinamatarong bangud layi na ang ila prangkisa matapos ginpirmahan ni Presidente Rodrigo Duterte.

Ginhimo sang MORE ang tikang bangud wala na-finalize ang smooth transition sa power distribution halin sa PECO padulong sa ila.

Ginhingyu sang MORE sa korte nga hatagan sila sang otoridad nga i-take over ang mga kagamitan kag operations sang distribution assets sang PECO.

Ginapanindugan ni Castro nga wala sang amicable settlement sa tunga nila sang PECO kabangdan nga nag-file sila sang petition sa korte.

Nagpahayag man siya nga bukas gihapon ang MORE sa PECO para sa matalunsay nga pag-istoryahanay. (JoMaque)