3 arestado lakip ang mag-amay sa buy bust operation sa Arevalo

Arevalo, Iloilo – Tatlo ang arestado lakip ang mag-amay sa drug buy bust operation sa Barangay Sta. Cruz, las-7 subong nga gab-i, Marso 13.

Tatlo ka sachets sang suspected shabu kag P600 nga buy bust money ang nakuha kanday Kenneth Nonato, 32 sang Bonifacio; kag mag-amay nga John Paul 25 kag John Salmingo, 44 nga lunsay residente sang Sta. Cruz.

Suno kay PO3 Leonard Aquiatan sang Arevalo Police Station, si Nonato ang subject sang operasyon.

Ginpahayag nga nagakuha siya sang supply sang illegal nga droga sa Bacolod City.

Preso ang tatlo sa karsel sang Arevalo Police Station kag natalana kasuhan. (JoMaque)