Una nga hugnat sang Candidates’ Forum sang Aksyon Radyo Iloilo kag UPV, mabatian karon sa hapon

Iloilo City — Mabatian na ang una nga hugnat sang Candidates’ Forum sang Aksyon Radyo Iloilo kag University of the Philippines Visayas karon sa hapon, Marso 23.

Tuyo sang Candidates’ Forum nga mapahibalo sa mga botante ang personal kag professional qualifications, mga plano, programa kag plataporma sang nagapadalagan sa May 13 midterm elections.

Mahibaluan man ang panindugan sang mga kandidato sa nagkalain-lain nga social issues nga naga-apekto sa publiko.

Mangin dinapit nga bisita ang mga nag-file sang certificate of candidacy sa pagka-mayor sa Iloilo City nga sanday Mayor Joe Espinosa, Cong. Jerry Treñas kag Dr. Pacita Gonzales.

Gina-engganyo ni UPV Chancellor Ricardo Babaran ang publiko nga mangin kabahin sang matinlo kag honest nga eleksyon.        

Live nga malantaw ang Candidates’ Forum sa Little Theater sang UPV City Campus kag streaming sa Facebook page sang estasyunan kag mabatian man sa Aksyon Radyo Iloilo halin ala-1 sa hapon tubtob alas-3 sa hapon. (JoMaque)