2 arestado sa buy bust operation sa Dumangas

Dumangas, Iloilo— Duha arestado sa buybust operation sa Barangay Pagdugue alas 8:30 kagab-i, Abril 9.

Nakuha kanday Olga Delgado sang Barangay Tabuc-Suba, Barotac Nuevo kag Rosin Bisite sang Barangay Tiwi, Barotac Nuevo ang pito ka sachets sang suspected shabu nga may street value nga P35,000 kag P15, 000 nga budol money lakip na ang P100 nga buy bust money.

Suno kay Police Major Jonathan Pinuela, head sang Provincial Drug Enforcement Unit ukon PDEU, subject sa operasyon si Delgado.

Pila ka bulan nga gin-surveillance sanday Delgado kag Bisite antes nadakpan samtang nagasakay sa motorsiklo. (JoMaque)