Ceres bus nga nahulog sa pil-as sa Hamtic, Antique, gin-chop chop agud mahapos nga makuha sa lugar – Vallacar Transit Management

Iloilo City – Ginkumpirmar ni Ms. Jade Seballos, legal and media relations manager sang Vallacar Transit nga ginkuha na nila ang Ceres bus nga nahulog sa pil-as sa Barangay Igbucagay, Hamtic, Antique sang Abril 5.

Suno kay Seballos, nakalisensya sila sa chief of police sang Hamtic, punong barangay sang Igbucagay kag sa LTFRB 6 antes ginkuha ang bus.

Gin-chop chop suno sa iya ang nahulog nga bus agud mahapos nga makuha sa lugar.

Natalana naman nga mag-atubang ang management sang Vallacar Transit sa LTFRB 6 Director sa Abril 15 para sa pagsugod sang imbestigasyon sa nahulog nga bus sa diin tatlo ang patay kag pito ang napilasan. (JoMaque)