Engkwentro sa tunga sang militar kag ginapatihan NPA, natabu sa Leon

Leon, Iloilo – Ginpukaw sang linupok ang mga residente kasunod sang nagluntad nga engkwentro sa tunga sang militar kag ginapatihan miembro sang New Peoples Army sa Barangay Nalbang las-5:20 kaina sang kaagahon, Abril 12.

Ini ang gin-confirmar ni 61st Infantry Battalion sang Philippine Army commanding officer Lieutenant Colonel Benedict Batara.

Suno kay Batara, nakita sang tropa nga may dala nga improvised explosive device (IED’s) ang mga ginapatihan rebelde kag ginapatihan nga may himuon nga pagpang-sabotahe.

Nakita ini samtang nagapatrolya ang tropa sang gobyerno sa amu nga lugar.

Dugang pa ni Batara nga ang grupo nga na-engkwentro sang tropa ang grupo ni Nahum Cariosa alyas Ka Bibong sang Southern Front Komiteng Rehiyon Panay. (AGB/AS)