Baybay area sa Arevalo, pagabantayan sang ICPO subong nga Domingo de Paskuwa

Iloilo City — Tutukan sang kapulisan subong nga Domingo de Paskuwa (Easter Sunday) ang pagbantay sa baybay area sa Arevalo.

Suno kay Iloilo City Police Office (ICPO) Spokesperson Police Captain Shella Mae Sangrines, ginapaabot na nila nga magadugok ang mga mapaligo sa dagat.

Bangud sini, nagpanugyan siya sa mga ginikanan nga bantayan ang ila kabataan agud malikawan ang anuman nga insidente ilabe na ang pagkalumos.

Ginpahanumdom man ni Sangrines ang mga beach goers nga likawan ang magpaligo kun nakainom sang makahulubog nga ilimnon.

Una na ginpahibalo ni Sangrines nga wala sang dalagku nga insidente nga mahimu maangut sa pag-obserbar sang Semana Santa sa syudad sang Iloilo.

(JoMaque)