Mangunguma sa San Dionisio, pilason matapos ginbuno sang iya pakaisa

Iloilo — Napilasan sa wala nga kamot, magtimbang nga abaga, kag likod ang 46 anyos nga mangunguma nga si Joey Martinez sang Brgy. Cubay, San Dionisio matapos ginlabo sang iya pakaisa kahapon, Abril 22.

Suno kay Police Staff Sergeant Kenneth Naranjo, imbestigdor sang San Dionisio Police Station, ginsukmaan ni Joey ang iya pakaisa nga si Jhony Martinez, 42, angut sa ila basura nga naglinapta sa iya uma nga malapit sa balay ni Jhony.

Ginhambalan ni Joey sang malain nga mga tinaga ang iya pakaisa gani nga naimpitu.

Ginlabo ni Jhony si Joey gamit ang iya ginabitbit nga binangon.

Gindala sa ospital si Joey samtang nagsurrender naman sa kapitan sang barangay si Jhony dala ang binangon nga iya gingamit.

Ginahulat sang kapulisan ang desisyon sang pamilya ni Joey kun mapasaka sang kaso batuk kay Jhony. (JoMaque)