Pedestrian overpass sa atubang sang WVSU kag Iloilo National High School, ginbuksan agud maghagan-hagan ang traffic congestion sa lugar

Iloilo City — Puwede na mga magamit ang pedestrian overpass malapit sa West Visayas State University kag Iloilo National High School matapos ginbuksan sang Public Safety  and Transportation Management Office kahapon, Hunyo 10.

Suno kay PSTMO Head Jeck Conlu, gintinluan nila sang Domingo ang overpass agud nga magamit kadungan sang pagbukas sang klase sang mga pribado nga eskuwelahan.

Tuyo sini suno sa iya nga makabuhin sa traffic congestion sa amu nga lugar.

Ang pedestrian lane naman sa lugar ang pagagamiton sang mga PWDs, senior citizens, mga nagabusong kag pedestrians nga may mabug-at nga dala nga indi makasarang maggamit sang overpass.

Ginhimo ang full implementation sa paggamit sang pedestrian overpass subong nga adlaw suno kay Conlu. (AGB/JGM)