4 balay, natumbahan sang puno sang acacia sa Mandurriao

By: JoMaque | September 18, 2019, 1:02pm

Iloilo City—Apat ka balay ang natumbahan sang puno sang acacia sa Barangay Navais, Mandurriao kagab-i, Setyembre 17.

Totally-damaged ang balay ni Warlita Famillaran. Partially-damaged naman ang balay nanday Noel Regacho, Fate Datar kag Corazon Bernales.

Wala sang may napilasan sa insidente. Human sa light materials ang mga balay.

Suno kay Punong Barangay JJ Jhanneigh Mercado, gilayon nga nagpadala sang bulig ang City Government sa mga apektado nga pamilya.