Lalaki nga bag-o guwa sa presuhan, gintiro patay sang riding-in-tandem sa Lapuz Sur

By: Aine Grace Bravo | September 18, 2019

via Jorge Cabrera/Dave Bucayan

Iloilo City — Patay si Roy Goco, 42 anyos, sang gintiro sang riding-in-tandem sa Lapuz Sur, Lapuz subong nga hapon.

Gindala pa sa ospital si Goco pero gindeklarar nga dead on arrival suno sa iya live-in partner nga si Vivian Bacero.

Suno kay Punong Barangay Wilson Allona, base sa na-capture sang CCTV camera, nagabisikleta si Goco halin sa Muelle Loney pakadto sa La Paz area sang gintiro sang riding-in-tandem.

Mga duha ka semana pa lang nga nakaguwa sa presuhan ang biktima sa kaso angut sa illegal drugs.