PSTMO head, nag-ako nga may porsyentuhanay sa mga traffic aides kag barkers

By: Aine Grace Bravo | October 16, 2019

via KhenJo Terco

Iloilo City — Gin-ako ni Public Safety and Transportation Management Office (PSTMO) head Jeck Conlu nga may nagakatabu nga porsyentuhanay sa mga traffic aides kag mga barkers.

Nagpakig-angut na si Conlu sa intelligence unit sang kapulisan agud matumod kun sin-o ang mga traffic aides nga nagakuha sang porsyento sa mga barkers.

Kun makilala kag mapamatud-an suno kay Conlu kun sin-o ang traffic aide nga may ginakuha nga porsyento sa mga barkers, indi siya magduha-duha nga kakason sa trabaho.

Sang nagligad nga tuig, tatlo ka mga tinawo sang PSTMO ang ginkakas sa kapareho man nga kaso dugang pa ni Conlu.