3 pilason sa rumble sa Barotac Nuevo

By: JoMaque | Disyembre 16, 2019, 9:02am

ILOILO — Tatlo ang pilason sa rumble kag pagpangbuno sa resto bar sa Brgy. Ilaya Poblacion, Barotac Nuevo sang Disyembre 14 sang gab-i.

Base sa imbestigasyon sang kapulisan, naga inum-inom ang duha ka grupo sa resto bar sang nagluntad ang rumble bangud sa hinubog.

Suno kay Police Major Ramil Sarona, hepe sang Barotac Nuevo MPS, may pilas sang pagkabuno ang mag-utod nga sanday Jannie Dosano, 29-anyos kag Aurelio Dosano, 28-anyos kag ang ila pakaisa nga si Robert Jocson, 26-anyos.

Samtang ginkilala naman ang mga suspek nga sanday Aljon Teologia, 28-anyos sang Brgy. Tubungan, Barotac Nuevo kag Archie Lachica, 22- anyos.

Gilayon nga nag-responde ang kapulisan rason nga nadakpan ang mga suspek.

Yara na sa kustodiya sang Barotac Nuevo Police ang mga suspek.