Pagbaligya sang firecrackers kag pyrotechnics sa siyudad, masugod na sa Disyembre 23 tubtob Disyembre 31

By: JoMaque | Disyembre 16, 2019, 9:07am

ILOILO CITY — Masugod na sa Disyembre 23 tubtob Disyembre 31 ang ang pagbaligya sang mga firecrackers kag pyrotechnics.

Suno kay Senior Fire Officer 4 Aquilino Sampiano, tatlo ka areas ang pwede mabaligyaan: ang Circumferential Road sa Arevalo, corner East Coast Iloilo-Capiz Road sa Jaro kag sa Muelle Loney, City Proper.

Pila sa mga requirements amu ang special permits halin sa Business Permits and Licensing Office, Bureau of Fire Protection, kag sa PNP.

Ginpahayag ni Sampiano nga dapat nga magsunod sa guidelines ang mga vendors bangud kun indi, mahimo nga i-revoke ang ila permit.

Pila sa mga guidelines amu ang:

*4×2-meter area para sa kiosko;
*Pagdumili nga magluto sa area;
*Exterior wall – galvanized iron sheet;
*Interior wall – Hardiflex;
*Paggamit sang LED lights;
*Pagpahamtang sang fire extinguisher;

Pila naman sa mga ginadumilian nga mga firecrackers amu ang:

*Watusi;
*Piccolo;
*Mother Rockets;
*Pillbox;
*Boga;
*Big Judah’s Belt;
*Big Bawang;
*Kwiton; kag
*Goodbye Philippines