Pulis, pilason sang natiruhan sang kasubong nga pulis sa sulod sang kampo

By: Aine Grace Bravo | December 25, 2019

via Francis Basco

Guimaras — Gindala sa ospital sa Iloilo si Police Staff Sergeant Jeremy Minerva matapos naluthangan sang kaupod nga police nga si Police Cpl Erwin Ferrer las 4 kaina sang kaagahon sa sulod sang kampo sang Guimaras Provincial Mobile Platoon sa Jordan, Guimaras.

Sa pahayag ni Police Lt. Luisito Barimque, Deputy Chief sang Jordan Police Station, upod nga nag-abot sa kampo ang duha ka pulis kag naka-inom.

May nagluntad nga pagbaisay sa tunga sang suspect kag biktima sa sulod sang mess hall kag hinali nga ginkuha ni Ferrer ang iya .9mm service pistol nga nabutang sa ibabaw sang lamesa.

Natabuan nga ara sa lugar si Cpl. Francis Sartaguda kag gintuyo nga tambagan kag agawon ang pusil ni Ferrer sa bulig man sang biktima apang naglupok ini kag naigo ang biktima sa tunga sang dughan kag tiyan.

Detained ang suspect sa Jordan Municpal Police Station kag pasakaan sang kaso nga frustrated homicide. Na-recover ang pusil nga gingamit sang suspect.