10 patay, 8 missing sa paglaslas sang Bagyo Ursula sa Iloilo

By: JoMaque | Disyembre 26, 2019, 1:06pm

Iloilo — 10 ang napatay, walo ang missing sa paglaslas sang Bagyo Ursula sa Iloilo, ilabe na sa Northern Iloilo.

Sa record sang Provincial Disaster Risk Reduction and Management Council tubtob las-5 kahapon sang hapon, ang napatay halin sa Batad amo si Roel De Asis, 40 anyos, kag iya mga bata nga kanday Meme De Asis, 15 anyos, kag Yanyan De Asis, tatlo ka tuig, nga naanod sang baha sa Barangay Pasayan.

Ginkumpirmar man sang Batad MDRRMO nga napatay kanday Eduardo Alvarez, 77 anyos sang Barangay Binon-an, nga nahulugan parte sang balay kag J-Boy Lazaga, 35 anyos sang Barangay Alinsolong, nga nalumos sang nagkapan ang iya bangka.

Sa Balasan, napatay si Danilo Abelliano, 62 anyos nga nagasuprer na sang balatian antes nagsaylo sa evacuation center kag si Henry Alfuente, 64 anyos nga na-cardiac arrest.

Ginkumpirmar man ni MDRRMO head Chinky Diolosa nga may duha pa ka wala makilala nga bangkay sang mga lalaki.

Nadugang sa listahan sang napatay si Abe Ignacio sang Barangay Cabilao Grande, Carles nga nasapwan sa Bancal Port base sa record sang OCD 6.

Tatlo naman ang missing sa Batad, apat sa Balasan kag isa sa Passi City.

Magapadayon subong nga aga ang pagpangita sa mga missing.