Carles kag Balasan sa Iloilo, probinsya sang Capiz, nagdeklarar sang state of calamity bangud sa kahalitan sang Bagyo Ursula

By: Aine Grace Bravo | December 26, 2019

via Aksyon Reports Afternoon Edition

Nagdeklarar sang state of calamity ang Carles kag Balasan bangud sang kahalitan sang Bagyo Ursula.

Ginkumpirmar ni Carles Municipal Disaster Risk Reduction and Management Office Head Julieto Masanggan nga gindeklarar ang state of calamity bangud 33 tanan ka barangay ang na-apektuhan sang bagyo. Duha naman ang na-record nga casualties sa banwa.

Nag-landfall sa Gigantes Island ang bagyo las-2:30 kahapon sang kaagahon.

Gindeklarar naman ang state of calamity sa Balasan suno kay MDRRMC head Chinky Diolosa bangud apektado sang pagbaha ang 23 ka barangay.

Walo sa 23 ka barangay ang wala gihapon sang access bangud unpassable ang mga dalan.

Samtang gindeklarar sang Sangguniang Panlalawigan sang Capiz ang state of calamity kasunod sang aerial survey sang Capiz-PDRRMC kaupod ang mga miembro sang SP kag 1st District Congressman Emmanuel Billones.

Pinakanahalitan sang bagyo sa Capiz ang President Roxas, Pilar, Pontevedra, Panay kag Roxas City.