OFW nga iloy nga mapadulong kuntani sa Kuwait subong nga adlaw, nagdesisyon nga indi na magdayon matapos napatay ang iya bata kag kabataan bangud sang pagbaha sa Batad sang naglaslas ang bagyo Ursula

By: JoMaque | Disyembre 26, 2019, 1:10pm

Iloilo — Patay na nga balikan sang 36 anyos ng OFW nga iloy ang iya bana kag mga bata nga naanod sang baha sa Barangay Pasayan, Batad kahapon sang kaagahon, Disyembre 25 samtang nagalaslas ang Bagyo Ursula sa Northern Iloilo.

 Padulong na kuntani sa Kuwait karon sa hapon si Andrea De Asis, apang nagbalik na lang sa Iloilo kaina sang kaagahon.

Suno kay Andrea, nag-greet pa sang Merry Christmas ang iya bana nga si Roel, 40 anyos, paagi sa text sang Disyembre 24, las-9:30 sang gab-i, kag nagpahibalo nga brownout sa Barangay Pasayan.

Wala nakahibalo si Andrea nga ini na ang katapusan nga komunikasyon niya sa iya pamilya.

Naga-evacuate sa mas mataas nga lugar ang magpamilya sang naanod sila sang gulpi nagtaas ang lebel sang tubig baha.

 Pasado las-dos kahapon sang hapon, nakita si Yanyan De Asis, tatlo ka tuig, samtang pasado las-4 sang hapon, nakita kanday Roel kag Meme, 15 anyos.

Missing ang isa pa nila ka bata nga si Moymoy, 10 ka tuig, kag duha ka hinablos ni Roel.

May 19 kag 16 anyos pa nga bata ang mag-asawa nga nagpabilin sa ila balay sa Barotac Nuevo suno kay Andrea.

Nagbakasyon lang sa Batad ang mag-amay bangud napatay ang amay ni Roel.