4.8 magnitude nga linog sa Iloilo kagab-i, indi konektado sa linog sa Davao del Sur sang damlag -PHIVOLCS

By: Aine Grace Bravo | December 27, 2019

via Hotline

Iloilo City — Indi konektado ang magnitude 4.8 nga linog nga nagtay-og sa Iloilo kagab-i, Disyembre 26, sa linog nga nagtay-og sa Davao sang damlag lang.

Ini ang gin-athag ni Bhenz Rodriguez, Science Reasearch Assistant sang Philippine Institute of Volcanology and Seismology (PHIVOLCS) Manila.

Suno sa iya wala sang konektado nga fault line sa Iloilo kag Davao.

Dugang niya, lain ang fault line sang Iloilo sa fault line sa Davao.

Ginahibalo pa suno sa iya kon ano nga fault line ang naghulag kagab-i.

Magluwas sa Panay, Guimaras kag porsyon sang Negros Occidental, nabatiyagan man ang pagtay-og sa Masbate City.