Concepcion, Iloilo, ginpa-idalum sa state of calamity bangud sa kahalitan sang bagyo

By: Aine Grace Bravo | December 27, 2019

via Aksyon Reports Afternoon Edition

Concepcion, Iloilo — Ginpa-idalum sa state of calamity ang banwa bangud sa kahalitan sang bagyo.

Gin-aprubahan sang Sangguniang Bayan sa ila special session kaina sang aga, Disyembre 27, ang rekomendasyon sang Municipal Disaster Risk Reduction and Management Council (MDRRMC) nga ipa-idalum ang Concepcion sa state of calamity.

Suno kay Vice Mayor Millard Villanueva, masobra 300 ka mga balay ang partially damaged kag 11 ka balay ang totally damaged bangud sa bagyo.

Masobra naman 30% sang agricultural crops ang nahalitan.