PNP OIC PLTGEN Archie Gamboa, nagbisita sa PRO 6

By: Aine Grace Bravo | December 27, 2019

via Jeremy Brian Valle

Iloilo City — Nagbisita si Philippine National Police (PNP) Officer-In-Charge PLTGEN Archie Gamboa sa Police Religional Office 6.

Nag-atubang si Gamboa sa mga personnel sang PRO 6 kag naghatag sang award sa pila ka mga police officers.

Suno kay Gamboa, padayon ang kampanya sang kapulisan batok sa illegal nga druga. Dugang pa niya, tion na nga i-pang-operate ang mga high value target drug personalities kag nagpa-in na siya pundo para diri.

Maga-conduct si Gamboa sang re-evaluation sa performances sang tanan nga regional directors sa Enero 20, 2020.

Kun may yara sang regional directors nga indi maayo ang performace, posible nga i-relieve kag i-reshuffle sila.

Dugang pa ni Gamboa, may Unit Performance Evaluation Rating nga mangin basehan sa pag-relieve sang Regional director nga indi makapasar.

Nagtambong man si Gamboa sa inagurasyon kag blessing sang PRO 6 Day Care Center and Officers Ladies Club Building.