Taxi driver sa Passi City nga nalumos samtang nagalaslas ang bagyo sang Christmas Day, patay na sang nasapwan

By: Aine Grace Bravo | December 28, 2019

via Farrah Mae Morano

Passi City, Iloilo — Patay na sang nasapwan si Jerald Maming 26-anyos, ang taxi driver nga nalumos sa Barangay Agtambo, Passi City samtang nagalaslas ang Bagyo Ursula sang Disyembre 25.

Suno kay PLTCOL Jose Badilla, OIC sang Passi City Police Station, las-6 kaina sang aga sang nakita sang mga barangay officials sang Barangay Sarapan ang bangkay ni Maming sa kilid sang suba kag yara na sa advance state of decomposition. Gilayon sila nga nagpangayo sang bulig sa police para makuha ang lawas ni Maming.

Matabok kuntani si Maming sakay sa balsa para isaylo sa mataas nga area ang iya ginamaneho nga taxi sang nabugto ang higot nga naka-angot sa pihak nga pang-pang kag nahulog siya sa tubig.