Food Festival sa Iloilo Provincial Capitol ground sa Dinagyang 2020, posible indi na madayon

By: JoMaque | Disyembre 29, 2019, 8:55am

Iloilo City — Posible nga indi na madayon ang food festival sa Iloilo Provincial Capitol sa Dinagyang Festival 2020 bangud wala sang lugar nga butangan sang mga kiosko bangud na-landscape ang capitol ground.

Imposible man suno kay Governor Arthur Defensor Jr nga pasiraduhan ang dalan sa likod sang provincial capitol kag ipahamtang ang food festival bangud ini ang alternatibo nga alagyan sang mga salakyan padulong sa La Paz.

Ang mapasiguro lang sang gobernador nga dumalahan sang provincial government ang judging area number 2 sa Iznart-Solis Streets, City Proper.