4 salakyan, nagbunggu-anay sa Pototan

By: JoMaque | Disyembre 30, 2019, 9:33am

Pototan, Iloilo — Anum ang pilason sang nagkarambola anum ka salakyan sa Casalsagan, Pototan kahapon, Disyembre 29.

Gindala sa ospital ang driver sang Sportivo nga si Rolly Mercado nga nagbunggo sa lima ka mga salakyan.

Suno kay Police Staff Seargent Mark Parreño, imbestigador sang Pototan Police Station, naglupok ang wala nga royda sang salakyan ni Mercado kag nagbunggo sa duha ka truck, motorsiklo kag tricycle.

Una nga nabungguan sang salakyan ni Mercado ang truck nga ginamaneho ni Joel Cator, sunod nga nabungguan ang truck mga ginamaneho ni Rocky Tanum pero lunsay wala napilasan.

Matapos nabungguan ang duha ka truck, nagdiretso pa gid ini kag nagbunggo sa motorsiklo nga ginamaneho ni Ronel Teruel sakay ang duha niya ka backrider nga sanday Edmond Munsura kag iya utod nga si Crismal Teruel nga napilasan sa nagkalain-lain nga parte sang lawas.

Sunod man nga nabungguan ang tricycle nga ginamaneho ni Archie Soldevilla sakay ang tatlo niya ka mga pasahero nga lunsay menor-de-edad nga may mga pilas man sa lawas.