Mga ginpang-appoint sang anay administrasyon nga ginabawi sang Civil Service Commission, sapulon ni Mayor Jerry Treñas

By: JoMaque | Disyembre 30, 2019, 9:31am

ILOILO CITY– Sapulon ni Mayor Jerry Treñas pagkatapos sang pagselebrar sang New Year ang mga empleyado nga gin-appoint sang anay administrasyon kag ginabawi sang Civil Service Commission.

Suno sa alkalde, yara sa iya ang discretion kun i-appoint niya liwat ukon indi ang mga empleyado, ilabe na ang mga may original appointment.

Ginpahayag ni Treñas nga wala pa niya nakita ang mga ginabawian sang appointment.

Nagakinahanglan ang siyudad sang mga empleyado, apang suno sa alkalde, dapat ang makabulig sa siyudad.

Matandaan nga may 53 ka mga empleyado ang ginapa-recall ang appointments bangud wala sang quorum ang Personnel Selection Board.