Numero sang mga nalukpan sang palupok sa probinsya sang Iloilo, nagnubo – DOH 6

By: JoMaque | Disyembre 30, 2019, 9:43am

Iloilo – Nagnubo ang record sang Department of Health ukon DOH 6 sa mga nalukpan sang palupok sa probensya sang Iloilo halin sang Disyembre 21 tubtub Disyembre 29 las 5:59 sang aga.

Suno kay Darlene Dela Peña Health Education and promotion officer 3 sang DOH 6, may 51 ka mga nalukpan sila nga na-record sang nagligad nga tuig halin Disyembre 21, 2018 tubtub January 6, 2019.

Base sa record sang DOH 6 may lima palang sila nga na-reocord nga nalukpan sang palupok sa Iloilo, umpisa nga nag-monitor sila.

Dugang pa ni Dela Peña nga ang boga ukon ang improvised nga palupok ang rason nga nalukpan sila.

Wala pa sang may na-report nga nagabaligya sang ginadumilian nga mga palupok, suno kay Dela Peña.

Ginabawal nga palupok:

• piccolo
• watusi
• giant whistle bomb
• giant bawang
• large Judas belt
• super lolo
• lolo thunder
• atomic bomb
• atomic bomb triangulo
• pillbox
• boga
• kwiton
• goodbye earth
• goodbye bading
• hello columbia
• goodbye Philippines

‘Pahanumdom sang DOH 6′

Ginpanugyan man sang DOH 6 sa mga tawo nga imbes mag-gamit sang palupok mag-gamit nalang sang torotot, mga gamit sa kusina takop sang kaldero ukon pa-andaron ang ila mga salakyan.

Nagpahanumdum man sila nga kon mahimo maglikaw sa mga matam-is, mamantika nga pagkaon kag maghinay-hinay sa pag-inom.