Provisional CPCN sang PECO, gin-revoke sang ERC; MORE Power, ginhatagan sang provisional authority para mag-distribute sang power sa Iloilo City
By: JoMaque | Marso 7, 2020
Iloilo City—Gin-revoke sang Energy Regulatory Commission (ERC) ang provisional Certificate of Public Convenience and Necessity sang Panay Electric Company kasunod sang pag-acquire sang MORE Electric and Power Corporation, ang bag-o nga power distribution sa siyudad, sang distribution system.
Ang desisyon napasulod sa order sang ERC nga gin-issue sang Marso 5 kag pirmado ni ERC Chair and CEO Agnes Devanadera.
Nag-issue sang provisional authority ang ERC sa MORE Power nga naga-authorize sa ila mag-operate sang distribution facility.
Dugang pa, kuhaon sang MORE Power ang supply sang kuryente nga ila i-distribute sa syudad sang Iloilo gikan sa current generation suppliers sang PECO.
Ginhatagan man sang ERC sang otoridad ang MORE Power nga gamiton ang gin-aprobahan nga distribution charge sa PECO.
Madumduman nga nagpadala sang technical personnel ang ERC kag naghiwat sang ocular inspection sa status sang distribution network agud hibalo-on kun sino ang actual nga naga-operate.
Base report nga ginpasa sang technical personnel sang ERC, yara na sa “full possession” kag control sang MORE Power ang lima ka substations kag napreparahan na nila ang tanan nga aspeto may kaangtanan sa electrical distribution.
Gin-confirm man sang technical personnel sang ERC nga may apat ka power contracts sa apat ka power suppliers nga magasiguro nga wala sang power interruption sa siyudad sang Iloilo.