Curfew, nag-epekto na sa probinsiya sang Iloilo

By: Aine Grace Bravo | via Aksyon Radyo Iloilo

ILOILO, March 21, 2020 — Nag-epekto subong nga adlaw ang curfew sa Iloilo Province.

Maga-sugod ang curfew las 9:00 sa gab-i tubtob las 4:00 sa aga bilang tikang ara masabat ang padayon nga pamahog sang paglapta sang COVID-19.

Wala sang sin-o man nga pahanugotan nga magkadto sa publiko nga lugar pareho sang mga kalye, parke, plazas, dalanon, establisemento komersyal kag mga edeficio nga nagapatipon sa publiko magluwas sa naga-duty nga mga empleyado kag opisyal sang gobyerno, medical professionals, healthcare providers, kag ang mga nagahatag sang medical support services.

Sa magalapas sa curfew sa Iloilo Province, magapangatubang sang penalidad nga isa ka libu ka pesos sa first offence ukon 10 ka adlaw nga pagkapresu, P2,000 ukon 20 ka adlaw nga pagkapresu sa 2^nd offense kag P5,000 kag indi magsobra sa isa ka bulan nga pagkapresu sa 3^rd offense.