108 violators sang curfew, nadakpan sa Iloilo province

By: Aine Grace Bravo | via Francisco Enar

ILOILO, March 25, 2020 — 108 ka curfew violators sa probinsya ang nadakpan base sa record sang Iloilo Police Provincial Office (IPPO) halin Marso 21 tubtob kaina sang kaagahon.

Nadakpan ang mga nagalapas sa curfew samtang ara sa guwa sang ila mga balay halin las-nueve sa gab-i tubtob las-kuwatro sa kaagahon.

Ginadumili sa amo nga mga oras ang paguwa sa balay agud mapunggan ang paglapta sang COVID-19.

Sa Carles kag Estancia, pito ka curfew violators ang magapangatubang sang criminal charges bangud ginpahayag nga nagtuyo pa magbato sa kapulisan nga nagapatuman sang Curfew Ordinance.

Ginahingyo ni IPPO Director PCOL Paul Kenneth Lucas ang publiko nga sundon ang ginapatuman nga mga tikang sang gobyerno agud mabatuan ang COVID-19.