Provincial Health Chief sang Pampanga, napatay bangud sa COVID-19

By: Aine Grace Bravo |via ABS-CBN

PAMPANGA, March 25, 2020 –Napatay kahapon, Marso 24, ang Provincial Health Chief sang Pampanga nga si Dr. Marcelo Jaochico bangud sa COVID-19.

Base sa Facebook post sang bata sang doctor, ginhilanat ang iya amay sang Marso 11, nagbatyag sang fatigue, diarrhea, kag nabudlayan sa pagginhawa.

Gin-quarantine sa iya balay sa Pampanga ang doktor apang gin-admit siya sa private hospital sang Marso 15 bangud sang pabalik-balik nga hilanat kag nabudlayan sa pagginhawa.

Nagka-pneumonia ang doktor sang Marso 17 kag gilayon nga gin-transfer sa ICU. Marso 18 naman sang nagkatubig ang iya nga baga.

Ginkumpirmar man sang bata ni Dr. Jaochico nga nag-positive sa COVID-19 ang iya nga amay.

Si Dr. Jaochico ang nakaagi tudlo sa Emilio Aguinaldo College antes siya nagtrabaho sa Doctor to the Barrios (DTTB) program sang gobyerno sang 1990’s.