1,000-bed capacity nga isolation facility, ginapreparar sang city government para sa mga PUIs kag PUMs sa siyudad sang Iloilo

By: JoMaque | Marso 26, 2020
via Aksyon Jeremae Ventar

Iloilo City – Nagapreparar ang Iloilo City government sang 1,000-bed capacity nga isolation facility para sa mga persons under monitoring kag persons under investigation sa COVID-19.

Suno kay Dr. Roland Fortuna, focal person on COVID-19 sang syudad, gin-identify nga isolation facility ang Iloilo Central Elementary School kag Mabini Elementary School.

Ginakonsiderar man ang ang daan nga Sta. Maria building sa City Proper.

Ginpahayag ni Fortuna nga may 59-bed capacity sa ICES, samtang gina-check pa kun pila ang kapaisdad sa Mabini Elementary School.

Ginpahayag ni Fortuna nga ibutang sa isolation facility ang mga PUMs nga indi masarangan nga masaguran sa ila balay, ang mga na-stranded ukon wala sang istaran kag ang mga wala nagapati sa pagpa-quarantine.