Enhanced Community Quarantine Pass, ipatuman sa kabarangayan sa probinsya sang Iloilo umpisa subong, Marso 26

By: JoMaque | March 26, 2020
via Aksyon Mario Gelongo

Iloilo – Maga-epekto subong, Marso 26, ang implementasyon sang Enhanced Community Quarantine Pass.

Ini ang ginkumpirmar ni Provincial Administrator Atty. Suzette Mamon, santu sa ginkasugtan sa sinapol sang mayors kay Iloilo Governor Arthur Defensor, Jr. sang Lunes, Marso 23.

Sa Enhanced Community Quarantine Pass, nakabutang nga ang naga-uyat indi makabig nga PUI ukon PUM kag pagabatunon sa tanan nga barangay kag banwa sa probinsya.

Maga-depende naman sa LGU, suno kay Mamon, kun dapat pa nga pirmahan sang mayor ukon i-tugyan na lang sa punong barangay ang paghatag.

Tinutuyo sang Enhanced Community Quarantine Pass nga malimitahan ang exposure sang mga tawo kag malikawan ang paglapta sang COVID-19.