MORE Power, ginpa-blotter ang PECO bangud sa illegal tapping

By: Aine Grace Bravo |via Brian Valle

ILOILO CITY, March 26, 2020 — Ginpa-blotter sang MORE Electric and Power Corporation ang Panay Electric Company bangud sa illegal tapping kahapon, Marso 25.

Suno kay Mr Roel Castro, President sang MORE Power, nakita nila ang mga personnel nga nagapreparar sang linya agud ibalik ang kuryente sa PECO Building sa General Luna St, City Proper.

Dugang diri, gilayon nga gin-disconnect sang MORE Power ang linya nga gin-tap sang PECO.

Ginpahayag ni Castro nga madamo sang naga-illegal tapping sa siyudad sang Iloilo kag ‘disappointing’ suno sa iya nga isa na dire ang PECO.

Ginapreparahan na sang mga abogado sang MORE Power ang mga posible kaso nga ipasaka batok sa PECO.