Biyahe sang Ceres buses sa Iloilo province, suspendido gihapon

By: JoMaque | April 1, 2020

Iloilo City — Ginpalawig sang Land Transportation Franchising and Regulatory Board (LTFRB) ang pagsuspender sa biyahe sang Ceres buses sa Iloilo province.

Suno kay Janice Original, Admin Officer sang Vallacar Transit, Inc. sa Iloilo, tubtob lang kuntani kahapon, Marso 31, ang memorandum order sang LTFRB sa pagpa-untat sang ila biyahe.

Pero nagtawag sa ila si LTFRB 6 Director Richard Osmeña nga nagapahibalo nga ginpalawig sang Inter-agency Task Force for COVID-19 ang pagpa-untat sang byahe sa probinsya.

Mapahibalo na lang sa suno sa iya ang LTFRB kun san-o sila pahanugutan nga magbiyahe.