Mga alkalde sa probinsya sang Iloilo, ginhingyo ni Gov. Arthur Defensor Jr nga mag-provide sang salakyan sa mga pumuluyo nga nagabakal sang ila kinahanglanon sa panimalay

By: JoMaque | April 1, 2020

Iloilo – Ginhingyo ni Gov. Arthur Defensor, Jr. ang mga mayors sa probinsya sang Iloilo nga ma-provide sang shuttle service agud masakyan sang mga pumuluyo halin sa mga barangay nga nagabakal sang pagkaon kag iban pa nga mga kinahanglanon sa ila panimalay kag sang mga nagatrabaho. Kasunod ini sang iya mandu nga pagpauntat sang public transportation pareho sang mga tricycle, pedicabs, kag motorsiklo.

Ini ang ginpalab-ot sang gobernador sa mga alkalde sa iya ginpatawag nga sinapol sa League of the Municipalities ukon LMP – Iloilo Province kahapon, Marso 31, agud magtipon sang updates sa ginpatuman nga Enhanced Community Quarantine sa probinsya kag para mahibaluan ang iban pa nga mga concerns may kaangtanan sa COVID-19.

Ginpasalamatan man sang gobernador ang kooperasyon sang mga mayors sa istrikto nga pagpatuman sang ECQ sa ila tagsa ka banwa.