Stroke survivor, senior citizen sa Jordan, Guimaras, nakabaton sang food packs halin sa Guimaras PPO

By: JoMaque | Abril 12, 2020

Guimaras — Nakabaton sang food packs halin sa Guimaras Police Provincial Office ang stroke survivor sa San Miguel, Jordan kag ang senior citizen nga isahanon nga nagapangabuhi sa Buluangan, Jordan paagi sa “Gift of Love” initiative sang GPPO.

Ginpangunahan ni PCPT Marie Faith Superio, Duty Officer of the Day, ang paghatag sang food packs sa duha ka miembro sang most vulnerable individuals nga apektado sang COVID-19 pandemic.