Mga nagabaligya sang makahulubog nga ilimnon sa Sooc, Arevalo, ginpa-andaman sang kapitan nga ipa-preso

By: Aine Grace Bravo | via Jeremae Ventar

ILOILO CITY, April 13, 2020 — Nagpaandam si Sooc, Arevalo Punong Barangay Ricardo Tugado nga ipa-preso ang madakpan nga nagabaligya sang makahulubog nga ilimnon sa ila barangay.

Suno kay Tugado, may mga impormasyon na nga nakalab-ot sa iya nga may nagabaligya sa ila barangay bisan may ginapatuman nga enhanced community quarantine bangud sang COVID-19.

Nagalibot man suno sa iya ang mga barangay tanod kun gab-i apang wala sang nadakpan.