DSWD 6, ginpanginwala nga halin sa ila opisina ang nagalapta sa social media nga listahan sang indi mahimo maka-avail sa Social Amelioration Program

By: JoMaque | Abril 15, 2020

Iloilo City — Ginpanginwala sang Department of Social Welfare and Development 6 nga halin sa ila opisina ang nagalapta nga listahan sa social media sang indi mahimo maka-avail sang Social Amelioration Program.

Ini suno kay DSWD Asec. Rhea Peñaflor sa iya press statement subong nga hapon upod kay DSWD 6 Director Ma. Evelyn Macapobre.

Makita sa nagalapta nga listahan sa social media nga indi mahimo maka-avail sang ayuda ang mga masunod:
1.)senior citizen nga pensioner sa SSS ukon GSIS
2.) senior citizen nga kabahin sang National Pension
3.) pamilya nga kabahin sang 4Ps
4.) barangay officials, ila asawa kag bata maski PWD ukon senior citizen
5.)tanod, BNS, SF, BSPO, BHW kag ila ginikanan ukon kabataan bisan senior citizen ukon PWD
6.) gaubra sa gobyerno (permanent kag job hire)
7.)may ginikanan ukon bata nga ga-obra sa gobyerno (job hire ukon permanent)
8.)PWD nga may pension
9.) solo parent nga wala ID
10.) ginikanan ukon kabataan sang 4Ps maski senior citizen ukon PWD
11.) nakakuha sang assistance sa DOLE ukon DA
12.) may dako nga balay
13.)single ukon wala sang bata
14.)asawa ukon may bata nga yara sa abroad

Ginkumpirmar naman ni Peñaflor nga indi makabaton sang ayuda sa Social Amelioration Program paagi sa DSWD ang mga elected ukon appointed government officials, mga empleyado sa private sector, retirees nga may pension, kag mga pamilya nga makasarang sa pagbakal sang ila basic needs.

SIN-O LANG ANG MAKABATON?

Base sa Joint Memo Circular Number 1sang DILG, DSWD, DOLE, DA, DTI, DBM, kag DOF, ang mga target beneficiaries sang Social Amelioration Program amo ang mga pigado nga pamilya ukon sa informal sector nga nadulaan sang trabaho bangud sang COVID-19 threat.

Ang mga pigado nga pamilya ukon nadulaan sang trabaho bangud sang COVID-19 mahimo may isa nga miembro nga;

a.) Senior citizen
b.) Persons with Disability
c.) Pregnant and Lactating Women
d.) Solo Parents
e.) Overseas Filipinos in Distress
f.) Indigent Indigenous Peoples
g.) Underprivileged Sector and Homeless Citizens
h.) Informal Economy Workers

Ang mga masunod ang mga makabig informal economy workers:

1.) Directly hired ukon occasional workers
2.) Subcontracted Workers
3.) Homeworkers
4.) Househelpers
5.) Drivers of Pedicab, Tricycle, PUJs, UVs, PUBs, Taxi, Transport Network Vehicle Service kag Transport Network Companies
6.) Micro entrepreneurs kag producers, operators sang Sari-Sari Stores and the like
7.) Family Enterprise Owners
8.) Sub minimum wage earners
9.) Employees effected by ‘no work, no pay’ policy kag indi covered sang DOLE Order Number 209 series of 2020 ukon anuman nga DOLE issuances
10.)Stranded workers

Sa Western Visayas, 1.8-Million ang target beneficiaries lakip na ang mga 4P’s beneficiaries.

P6,000 ang mabaton nga ayuda kada bulan sang mga beneficiaries sang Social Amelioration Program paagi sa DSWD. Mabaton nila ang ayuda sa sulod sang duha ka bulan.