Mga naka-recover sa COVID-19 sa bug-os nga pungsod, mas madamo na sang sa napatay

By: Aine Grace Bravo | via DOH

MANILA, April 15, 2020 — Naka-record sang mas madamo nga kaso sang naka-recover sa COVID-19 ang Department of Health (DOH) subong nga adlaw.

Sa las-kuwatro kaina sang hapon nga bulletin, 353 na ang naka-recover sa COVID-19 matapos nadugang sa listahan ang 58 ka mga pasyente nga nag-ayo.

349 naman ang napatay bangud sa nadugang nga 14 ka new deaths.

Samtang 230 ang bag-o nga kaso. Nagalab-ut na sa 5,453 ang total cases sa coronavirus disease sa pungsod.