8 hotels sa Iloilo City, nagpasugot nga mangin quarantine facilities sang mga returning OFWs –DOT 6 Director Catalbas

By: JoMaque | Abril 24, 2020

ILOILO CITY – Gin-tap sang Department of Tourism Regional Office 6 ang mga hotels agud mangin quarantine facilities sang mga OFWs nga mapauli.

Suno kay DOT 6 Director Atty. Helen Catalbas, walo na ka DOT-accredited hotels sa Iloilo City ang nagpasugot nga teniran sang mga OFWs sa ila pag-abot.

Gin-ako ni Catalbas nga nagpang-alang-alang pa sang una ang iban nga hotels bangud ginakulbaan sila sa posible stigma sa ila establisemento pagkatapos sang krisis.

Pero si Catalbas na ang nagpasalig sa management nga buligan sila sa pag-disinfect sang mga hotels kag buligan sila sa pag-market sang ila establisemento.

OWWA ang maga-abaga sang balayran sa mga hotels suno kay Catalbas.